कपिलवस्तु । कपिलवस्तुको शिवराज नगरपालिका १०, सितलापुरमा बुधबार आगलागी हुँदा ५९ घरगोठ जलेर नष्ट भएको छ । आगलागीबाट स्थानीय ५५ वर्षे सिताराम लोनिया सामान्य घाइते भएका छन् भने आगलागीबाट २२ वटा बाख्रा जलेका छन् ।स्थानीय मन्नान मियाँको घरबाट सल्केको आगो हावाका कारण फैलिएको हो । पूर्वबाट पश्चिमतर्फ चलेको हावाहुरीले मन्नान मियाँको घरको पश्चिमतर्फको सम्पूर्ण घर जलेर नष्ट भएको छ । आगलागीबाट भर्खरै भित्र्याएको अन्नबाली गहुँ, मसुरो, अरहर तथा धान, चामल लगायतका खाद्यान्न जलेर नष्ट भएको छ ।
यस्तै लत्ताकपडा, भाँडाकुँडा, काठपात, नगद, गरगहना समेत जलेर नष्ट भएको वडा प्रहरी कार्यालय चन्द्रौटाका प्रहरी निरीक्षक झविन्द्रप्रसाद भट्टराईले जानकारी दिए ।
आगलागीबाट बसिर मियाँको १३ वटा बाख्रा, सत्यनारायण चमारका ४, मंसुर मियाका ३ र मन्नान मियाका २ वटा गरी २२ वटा बाख्रा जलेको भट्टराईले बताए । तौलिहवा र कृष्णनगरबाट आएको दमकल, वडाप्रहरी कार्यालय चन्द्रौटाको टोली, महराजगञ्जको सशस्त्र प्रहरी, स्थानीयको सक्रियतामा झण्डै ४ घण्टापछि आगो नियन्त्रणमा लिएको प्रहरीले जनाएको छ ।
घटनास्थल पुग्नु भएका प्रमुख जिल्ला अधिकारी विष्णुप्रसाद ढकालले जिल्ला दैबी प्रकोप राहत कोषबाट पीडित परिवारलाई तत्काल जनही ५ हजारका दरले नगद रकम हस्तान्तरण गरेका थिए ।
0 comments:
Post a Comment